top of page
Maria Callas 100 ára

10 daga ferð - taka frá og bóka: https://bit.ly/3MrGg6m

Markhópur ferðarinnar er tónlistar- og söngáhugafólk. Við höldum upp á upp á 100 ára fæðingarafmæli Maria Callas og förum á staði sem tengjast hennar lífi á Ítalíu með einum eða öðrum hætti. Möguleiki að fara á stórkostlega nýja uppfærslu af AIDA eftir Verdi á óperulistahátíðina í Arenunni Verona.

unnamed (7).png

Hér er facebook hópur fyrir áhugasama og þá sem hafa skráð sig í ferðina.


Dvöl ferðarnnar verður skipt á milli Garda og Verona. Við förum til Sirmione og kynnumst veru Callas þar í bæ og skoðum þenna stórkostlega tanga sem dregur að sér einn mestan fjölda ferðamanna við vatnið. Verona er staðurinn sem Maria Callas kom fyrst til á Ítalíu og hún debúteraði í Arenunni. Þar göngum við í hennar fótspor og rekjum sögustaði í borginni sem tengjast henni. Einnig heimsækjum við Zevio sem tengist Maria Callas einnig sterkum böndum. Lífshlaup söngkonunnar verður rakið í ferðinni og hennar minnst í öðru hverju orði.

Möguleiki á að bóka miða á besta stað á nýja uppfærslu af AIDA eftir Verdi á óperulistahátíðina í Arenunni Verona. Einnig er möguleiki að sjá fleiri sýningar í Arenunni ef áhugi er fyrir hendi. Í Bardolino, nágrannabæ Garda, eru jafnfram sumaróperutónleikar sem gaman er að hlusta á.


Gardavatn er staður sem hægt er að koma á aftur og aftur og skoða með nýjum hætti í hvert skipti. 


Blogg um kvikmynd sem er í framleiðslu um ævi Mariu Callas. Aðalhlustverkið leikur Angelina Jolie.

Dvalið verður á góðu hóteli við Gardavatn í sex nætur. Hotel Conca d‘Oro ***s er frábærlega staðsett hótel í miðbænum í Garda. Hotel Conca d‘Oro er lítið fjölskyldurekið hótel með um 30 herbergi sem stendur alveg niður við vatnsbakkann. Möguleiki er að fá herbergi með svölum sem snúa út á vatnið og svo eru líka herbergi götumegin, án svala. Góð sameiginleg rými til að njóta útýnisins og sleikja sólina og eru á hótelinu og veitingastaðurinn á hótelinu fær góðar umsögn.


Síðustu þrjár næturnar verður gist á BW Hotel Tursimo**** í úthverfi Verona.


Við fögnum þjóðhátíðardeginum en einnig siglum við á vatninu, heimsækjum fleiri bæi og förum út í hina ævintýralegu eyju, Isola del Garda sem hefur skemmtilega tengingu við Ísland.


Tónlistarlífið á þessum slóðum á sumrin er fjölbreytt og viðburðir tíðir. Fararstjóri býður upp á fræðslu um þessa söngdívu sem átti sín bestu ár á þessum söguslóðum.  Við munum nota hvert tækifæri til að kynnast lífi og starfi Maria Callas betur.


VERÐ

326.000 kr. á mann í tvíbýli fyrir herbergi götumegin, án svala. BÓKA

384.000 kr. á mann í tvíbýli fyrir herbergi með svölum með útýni út á vatnið. BÓKA

373.000 kr. í einbýli fyrir herbergi götumegin, án svala. BÓKA


Innifalið:

Flug til Verona/KEF með Neos air. Innrituð taska 20 kg.  Rútuferðir og bátssiglingar skv. ferðalýsingu. Gisting 9 nætur á hóteli við Gardavatn og í Verona á 4ra og 3ja stjörnu hótelum ásamt morgunverði. 2 málsverðir. Aðgangsmiði á óperuna AIDA, góð sæti (poltronissima). Vínsmökkun. Miði á óperutónleika í Bardolino. Aðgangur í Isola del Garda eyjuna og fordrykkur. Íslensk fararstjórn.


Ekki innifalið:

Ferðir þá daga sem eru frjálsir. Miðar á sýningar í Arenunni. Hægt er að bóka miða á AIDA um leið og ferð er bókuð. Gistináttaskattur sem greiddur er á hótelinu.

14. júní – föstudagur – Dagur 1 – Komudagur

Flogið er kl. 09:00 frá Keflavík um morguninn og lent kl. 15:00 í Verona. Við höldum rakleiðis á hótelið okkar við Gardavatnið, þar sem við gistum næstu sex næturna. Eftir að við höfum komið okkur fyrir fer fararstjóri í kynnisferð um bæinn. Við kynnumst sögunni, umhverfinu og helstu gönguleiðum í nágrenninu. Rómantískir göngustígar liggja meðfram vatningu og fyrir þá sem vilja útsýnisgöngu er möguleiki að rölta út á tangann sem rammar inn víkina sem Garda stendur við. Það má jafnvel bregða sér upp á klettinn fyrir ofan bæinn og njóta útsýnisins yfir allan suðurhluta vatnsins.

15. júní – laugardagur – Dagur 2 – Sirmione

Við siglum til Sirmione í dag, skoðum bæinn þveran og endilangan og finnum húsið hennar Mariu Callas. Yst á tanganum er að finna áhugaverðar rómverskar menjar sem líklega eru ein stærsta rómverska villa sem fundist hefur. Svo er hægt að njóta stemmingarinnar í þessum einstaka bæ, þar sem ísbúðirnar eru á hverju götuhorni. Við heyrum um veru Maria Callas í Sirmione og göngum að húsinu sem þau hjónin áttu þar. Fleiri skemmtilegar sögur tengjast þessum stórkostlega bæ sem er einn mest heimsótti bærinn við Gardavatnið. Siglt er til baka síðdegis heim til Garda. Hádegisverður frjáls.

unnamed.jpg
16.júní – sunnudagur - Dagur 3 – Bardolino og tónleikar um kvöldið

Frjáls dagur fram að hádegi. Efti hádegið bregðum við undir okkur betri fætinum og skoðum nágrannabæinn Bardolino sem er m.a þekktur fyrir vín- og ólífurækt. Við kynnumst notalegum bæjarkjarna með veitingastöðum, kaffihúsum, smáverslunum og skemmtilegu mannlífi. Einnig skoðum eina af elstu kirkjum á svæðinu, San Zeno, sem er vel falin en kemur á óvart. Gangan á milli bæjanna tekur um 45 mínútur. Léttur kvöldverður áður en farið er á óperutónleika í Bardolino fyrir þá sem vilja.

unnamed (1).jpg
17. júní - mánudagur - Dagur 4 – Þjóðhátíðardagurinn

Sautjándi júní er að mestu leiti frjáls dagur en við gerum vel við okkur í morgunmatnum og skálum fyrir lýðveldisafmælinu. Við stefnum að því að borða saman um kvöldið.

unnamed (4).png
18. júní - þriðjudagur - Ferð til norðurhluta vatnsins – Malcesine, Limone, Riva

Heilsdagsferð til norðurhluta vatnsins. Farið með rútu til Malcesine sem stendur við norðausturenda Gardavatnsins þangað er tæplega klukkutíma akstur. Scaligero kastalinn setur sterkan svip sinn á bæinn og í bakgrunni gnæfir fjallið Monte Baldo. Bærinn er einstaklega skemmtilegur með þröngum hellulögðum strætum, litlum veitingastöðum, kaffihúsum og spennandi sérverslunum og er mikið eftirlæti ferðamanna.

Síðan siglum við þvert yfir vatnið til bæjarnis Limone og kynnum okkur þennan sérstaka bæ. Fararstjóri stingur upp á veitingastað þar sem við getum borðað saman, ef vill. Bærinn stendur við þverhnípt fjallið og var einangraður langt fram eftir síðstu öld.

Þaðan er siglt til bæjarins Riva þar sem við dveljum þar til síðdegis þar til rútan kemur að sækja okkur. Verðum komin aftur heim um kl. 18:30

unnamed (2).jpg
19. júní - miðvikudagur Dagur 6 – Dagur 5 – Isola del Garda

Eftir hádegið siglum við út í hina ævintýralegu eyju, Isola del Garda þar sem við fáum að ganga um og fræðast um sögu þessarar einstöku eyjar og fjölskyldunnar sem þar býr. Við fáum okkur svo fordrykk áður en haldið er aftur heim til Garda.

unnamed (3).jpg
20. júní - fimmtudagur - Dagur 7 – Zevio, Verona og AIDA

Við skiptum um hótel þennan dag og leggjum af stað um morguninn að skoða bæinn Zevio sem einnig kemur við sögu í lífshlaupi Maria Callas. Verjum dagparti þar og skoðum tónlistarskóla sem ber hennar nafn og muni sem eru einskonar vísir að safni um hana.

Í dagslok höldum við á BW Hotel Tursimo í úthverfi Verona þar sem við verðum næstu þrjár nætur.

Um kvöldið er svo loksins komið að því að fara að sjá hina rómuða AIDA á sviðinu í Arenunni. Tekin hafa verið frá betri sæti (poltronissima) sem farþegar geta keypt um leið og ferðin er bókuð. Þeir sem vilja ódýrari sæti geta bókað miða beint á vef Arenunnar.
https://shop.arena.it/ticketshop/webticket/seatmap?eventId=373&el=true

Þessi uppsetning af AIDA var frumsýnd sumarið 2022 með pomp og prakt í tilefni af 100 ára afmæli Arenunnar. Sýningin byrjar kl. 21:15 og lýkur rétt eftir miðnætti. Við sofnum vonandi með enduróminn í eyrunum.

unnamed (4).jpg
21. júní - föstudagur - Dagur 8 – Mara Callas í Verona

Farið verður í fróðlega gönguferð um elsta hluta Veronaborgar sem er á UNESCO heimsminjaskrá. Við rekjum okkur í gegnum fótspor Mariu Callas og þá staði sem hún hafði oftast viðkomu á, þar sem hún bjó og gifti sig. Auk þess kynnumst við helstu kennileitum borgarinnar og njótum mannlífsins. Við heyrum jafnframt um Rómeó og Júlíu og aðra sögur um þessa borg ástarinnar.

Við borðum saman í fallegum veitingastað (innifalið) áður en haldið er heim á hótelið. Þeir sem vilja geta dvalið lengur og tryggt sér miða á Rakarann frá Sevilla sem er sýnd í Arenunni þá um kvöldið.

unnamed (5).png
22. júní - laugardagur - Dagur 9 – Frjáls dagur

Dagurinn er frjáls en upplagt að endurnýja kynnin við þessa dásamlegu borg ástarinnar. Kannski verður kaupmátturinn með í för. Um kvöldið er Turandot á sviðinu í Arenunni.

unnamed (5).png
23. júní - sunnudagur - Dagur 10 – Brottfarardagur

Dagurinn frjáls en eftir að við skráum okkur út af hótelinu förum við í sveitaferð og vínsmökkun áður en haldið er á flugvöllinn.
Flugtak frá Verona flugvell er kl. 18:00 og lent í Keflavík kl. 20:20.

unnamed (5).png
bottom of page