top of page
Toskana - Bagni di Lucca - UPPSELD

10 daga ferð í Toskana - Bagni di Lucca og Verona

Náttúruunnendur hafa úr nógu að velja en einnig er hægt að fara í hæglætisfrí því hér er vin fyrir ferðamenn sem vilja láta líða úr sér í friðsælu og fögru umhverfi, burtu frá mannfjöldanum.

Það er stutt til Flórens, Siena, Pisa og Lucca sem er bara 27 km í burt, þannig að það tekur örskamma stund að stinga sér í samband við þessa mest heimsóttu staði í Toskana.

unnamed (7).png

Bagni di Lucca er einstaklega fallegur lítill bær inn til fjalla í norðurhluta Toskana og er í dag þekkt sem unaðsleg miðstöð fyrir útivist og hreyfingu en fegurðin er þar við hvert fótmál.


Flogið er til Verona og ekið þaðan til bæjarins Bagni di Lucca. Gist er á Park Hotel Regina  sem er fallegt 3* hótel. Farnar eru mislangar göngur á meðan á dvölinni stendur. Góður tími inn á milli ganga til að njóta þess sem svæðið hefur upp á að bjóða eða slaka á og dekra við sig.


Park Hotel Regina er fallegt og vel búið hótel með sundlaug, loftkælingu á herbergjum, ríkulegu morgunverðarhlaðborði og veitingastað. Hótelið stendur miðsvæðis í bæjarkjarnanum Bagni alla Villa. Herbergin snúa ýmist að götunni en herbergin sem snúa að garðinum eru flest með svalir.

Bagni di Lucca er einstaklega fallegur lítill bær inn til fjalla í norðurhluta Toskana og er eiginlega samnefnari yfir 3 bæi sem nota það sem einskonar regnhlífarnafn. Nafnið þýðir í raun Böðin í Lucca sem er mjög lýsandi og ber bærinn því nafn með rentu.


Bagni di Lucca er í dag þekkt sem miðstöð fyrir útivist með gönguferðum, hjólreiðum, klifri, skíðabrekkum, vatnasporti og ævintýramennsku. Vinsælt er að fara í Gljúfragarðinn (Canyon Park)  og á veturna er vinsælt skíðasvæði í Abetone í Appenína fjöllunum.


Náttúruunnendur hafa úr nógu að velja en einnig er hægt að fara í hæglætisfrí því hér er vin fyrir ferðamenn sem vilja láta líða úr sér í friðsælu og fögru umhverfi, burtu frá mannfjöldanum.

Það er stutt til Flórens, Siena, Pisa og Lucca sem er bara 27 km í burt, þannig að það tekur örskamma stund að stinga sér í samband við þessa mest heimsóttu staði í Toskana.


HÉR er hægt að bóka tvíbýli

HÉR er hægt að bóka einbýli

Bagni di Lucca var einn vinsælasti áfangastaður ríka og fræga fólksins á 18. og 19. öld. Heilsulindirnar, fyrsta spilavítið í Evrópu ásamt mikilli náttúrufegurð var helsta aðdráttaraflið. Vinsældir staðarins urðu líka til þess að hér risu villur af betri og stærri gerðinni, sem enn prýða svæðið. Gestir í Bagni di Lucca í dag fá að njóta náttúrunnar og finna víða vísbendingar um blómatímann söguleg fótspor.


Svæðið er á þekktri gönguleið pílagríma (Via Francigena) sem áttu erindi til Rómar til að hljóta blessun og fyrirgefningu. Þessi sögulega leið lá yfir hina frægu Ponte Maddalena brú sem gengur venjulega undir nafninu Djöflabrúin. Brúin er yfir 1000 ára gömul og er ein elsta brú Ítalíu og setur sannarlega svip á umhverfið kringum ána Serchio.


Nokkrir pistlar til að kynnast svæðinu betur

· Bagni di Lucca: https://www.flandrr.is/post/bagni-di-lucca

· Gljúfragarðurinn (Canyon Park) https://www.flandrr.is/post/gljufragardurinn

· Blómavillan: https://www.flandrr.is/post/villa-fiori-blomavillan

· Suðurgangan: https://www.flandrr.is/post/via-francigena-sudurgangan

· Gönguleið hveitikornsin: https://www.flandrr.is/post/gongustigur-hveitikornsins

· Djöflabrúin: https://www.flandrr.is/post/djoflabruin

Dagur 1 - Ísland – Ítalía – föstudagur 14. júní

Flogið með Neos til Verona og áætluð lending kl. 12:40. Ekið til Bagni di Lucca sem er um 4 tíma akstur. Hótel Park Regina er staðsett í fallegum bæjarhluta sem heitir Bagni alla Villa. Hótelið er í klassískum stíl og snyrtilega innréttað. Hvert herbergi hefur sitt sérkenni. Áætlað að við rennum hlað um kl. 17:30.
Kvöldverður fyrsta kvöldið á hótelinu innifalinn.

Dagur 2 - Bagni di Lucca og gönguleið vatnsins – laugardagur 15. Júní

Eftir morgunverð búum við okkur af stað í gönguferð frá hótlinu sem heitir Via dell‘Acqua eða gönguleið vatnsins. Gangan er um 4-5 tíma rölt með nokkrum útúrdúrum og sögustundum.
Á gönguleið vatnsins kynnumst við hvernig heilsulindirnar komu þessum stað á heimskortið á 19. öld og njótum útsýnisins yfir Lima dalinn og ána. Við komum við í þeim bæjarkjörnunum sem tilheyra Bagni di Lucca. Við fáum að skoða villu sem var áður í eigu Webb og Buonvisi þar sem eru hýst innvolsið úr spilavítum sem starfrækt voru á svæðinu. Fyrsta spilavítið í Evrópu var einmitt staðsett hérna þar sem sagt er að rúllettan hafi var fundin upp. Við heyrum um nafntogaða einstaklinga sem settu mark sitt á svæðið á blómaskeiðinu og hvað aðdráttarafl þessi staður hafði fyrir aðalsfólk, listamenn og spjátrunga alls staðar úr í Evrópu.
Létt ganga með sögulegu ívafi til að kynnast nærumhverfinu.

unnamed.jpg
Dagur 3 – Gönguleið forfeðranna – sunnudagur 16. júní
6-7 klst. – 800 metra hækkun – 12 km

Göngudagur. Heilsdagsferð með göngu allt að 7 tímum. Farið með skutlum til bæjarins Montefegatesi sem stendur í 847m hæð. Við skoðum og fræðumst um sögu bæjarins sem er bæði í senn átakanleg og frækileg. Þaðan liggur leiðin upp til fjalla og við hefjum göngu eftir leið sem heitir gönguleið forfeðranna sem er um 12km leið. Við förum á topp fjallsins Monte Coronato (1212m) og ef aðstæður leyfa förum við líka upp á hásléttuna Prato Fiorito. Við göngum í gegnum fjölbreytt landslag, fyrrum beitilönd Undir lok ferðarinnar gefst þeim kostur sem vilja að fara aukahring fram hjá kornmyllum sem voru starfræktar hér á öldum áður í frískandi lækjasprænum. Undir lok ferðarinnar býðst okkur að stoppa á dæmigerðum bóndabæ sem býður upp á góðan mat.
Við fáum staðarleiðsögumann með okkur í þessa ferð og verðum sótt aftur að göngu lokinni á upphafstað göngunnar í Montefegatesi.

unnamed (1).jpg
Dagur 4 – Lucca á þjóðhátíðardaginn – mánudagur 17. Júní

Við leggjum af stað kl. 13:00 og verjum deginum í Lucca. Einkennismerki borgarinnar eru borgarmúrarnir því borgin var ein af valdamestu borgum Evrópu á 13. og 14. öld. Við blöndum saman hreyfingu og borgarferð og markmiðið er að ganga eftir endilögum borgarmúrunum, 4,2 km, sem ramma hana inn. Við heyrum auðvitað um sögu borgarinnar og um hennar frægasta son, Giacomo Puccini, tónskáld. Hægt er að heimsækja heimili hans sem er núna safn honum til heiðurs. Vera má að kaupmátturinn hellist yfir fólk áður en við höldum aftur heim því mikið er af fallegum verslunum í gamla bænum.
Við eigum svo pantað borð á veitingastaða og höldum upp á lýðveldisafmælið. Kvöldverður innifalinn í verði ferðar. Áætlað að koma heim á hótel kl. 23:30.

unnamed (4).png
Dagur 5 – Gönguleið hveitikornsins – þriðjudagur 18. Júní
3-4 klst. – 300 metra hækkun – 7 km

Við förum í farveg hveitræktar í dag og skoðum litla bæjarkjarna upp í hlíðunum fyrir ofan Bagni di Lucca. Um þessa slóða lágu leiðir pílagríma sem áttu erindi við páfann í Róm. Hér var herjað í margar aldir, eilífar erjur um völd og eignarhald og því löng hefði fyrir því að byggja virki og bæi sem líta út eins og kirsuber á fjallstoppunum.
Smalar og múlasnar mótuðu leiðirnar sem við skoðum í dag. Við fetum í fótspor þeirra sem á undan fóru og fáum undursamlegt útsýni að launum. Kapellur, kirkjur, brunnar, hellar og húsaþyrpingar á ótrúlegustu stöðum gleðja augað og auðga andann.
Við komum niður í bænum Fornoli þar sem hægt er að fá sér hressingu áður en haldið er heim á leið.
https://www.flandrr.is/post/gongustigur-hveitikornsins

unnamed (2).jpg
Dagur 6 – Pian di Fiume - Gönguferð, pastagerðarnámskeið og kvöldverður – miðvikudagur 19. Júní
2-3 klst. – 8 km – 300m hækkun

Við heimsækjum sérstakan stað niður við á ánna Lima. Pian di Fiume er gamalt þorp sem var komið í eyði þegar apótekarinn í bænum keypti nokkur hús þar og hefur verið að byggja upp ferðaþjónustu undanfarin ár. Við kynnumst sögu staðarins en förum svo í 2-3ja tíma gönguferð og heimsækjum 5 yndisleg forn þorp. Við erum umkringd dalverpum, fjöllum, notalegri fjallagolu og angan af villtum plöntum og blómum og fáum stórkostlegt útsýni í kaupbæti.
Eftir hressandi göngu förum við á pastagerðarnámskeið og tökum til hendinni í eldhúsinu á staðnum. Því næstupplifum dæmigerða toskanska sveitaveislu í mat og drykk. Á Pian di Fiume er lagt upp úr matgæðum og hráefni beint frá býli með heimagerðu pasta, heimaræktuðu grænmeti og úrvali vína sem ræktuð eru nágrenninu. Hér borðum við kvöldverð áður en haldið er heim á hótel.

unnamed (3).jpg
Dagur 7 – Frjáls dagur – fimmtudagur 20. júní

Möguleiki að fara í Gljúfragarðinn, þar sem hægt er að fara í rennilásalínu og fikra sig eftir klifurbrautum utan á klettaveggjunum. Ef áhugi er nægur væri hægt að fá kennslu á flotbretti. (paddle board)
Áin Lima rennur í gljúfrinu og þar er að finna alla bláu og grænu liti regnbogans sem mynda litasinfóníu af betri gerðinni. Eitt svæði í gljúfrinu hefur fengið nafnið Bláa lónið en á reyndar lítið sameiginlegt með því íslenska. Gljúfragarðurinn er sannkölluð útivistarpardís þar sem allir útivistargemsar geta fundið afþreyingu við hæfi. Við tökum með okkur nesti því garðurinn hefur sett sér stefnu um að hafa engin áhrif á umhverfið þar sem starfsemin fer fram. Orkan sem verður til kemur frá fólkinu sem rær, rennir sér eftir línum, klifrar í klettum eða æfir jóga. Ekkert rafmagn og engin veitingaaðstaða.
Þeir sem kjósa frekar að eiga hæglætisdag, geta tekið því rólega á hótelinu og flatmagað við sundlaugina. Almenningssundlaug er líka í göngufær. Einnig er hægt leigja rafmagnshjól og fara með leiðsögumanni í hjólatúr um svæðið. Sögufræg heilsulind er líka í göngufæri, Bagno Terme Barnabó.

unnamed (4).jpg
Dagur 8 – Farið til Verona – föstudagur 21. júní

Brottför frá hótelinu kl. 13:30 og ekið til Verona sem er um 4 tíma akstur með hressingarstoppi á leiðinni. Dvalið verður í tvær nætur á BW Hotel Turismo í útjaðri Verona. Kvöldið frjálst.

unnamed (5).png
Dagur 9 – Verona borg ástarinnar – laugardagur 22. júní

Við tökum strætó í bæinn og förum svo í fróðlega gönguferð um elsta hluta Veronaborgar sem er á UNESCO heimsminjaskrá. Við kynnumst helstu kennileitum borgarinnar, heyrum um Rómeó og Júlíu og annarra sem hafa sett svip sinn á þessa borg ástarinnar. Ferðina endum við upp í hlíðunum fyrir ofan borgina, þaðan sem stórkostlegt útsýni er yfir þessa borgarperlu.
Um kvöldið er Turandot á sviðinu í Arenunni fyrir þá sem vilja ná einni sýningu á þessum merkilega tónleikastað sem áður bauð upp á keppni á milli skylmingarþræla.

unnamed (5).png
Dagur 10 – Heimferðardagur – sunnudagur 23. júní

Dagurinn er frjáls en upplagt erað endurnýja kynnin við þessa dásamlegu borg ástarinnar eða fara í matvöruverslun í nágrenninu og fylla töskurnar af einhverju góðgæti. Farið er út á flugvöll kl. 16:30. Flugtak frá Verona flugvell er kl. 19:00 og lent í Keflavík kl. 21:20.

unnamed (5).png
bottom of page