top of page
Gersemar á göngu við Garda

10 daga ferð. Hér er hægt að taka frá pláss og bóka: https://bit.ly/49nkwm7

Landslagið, gróðurinn og fögur fjallasýn ramma inn Gardavatn, stærsta stöðuvatn Ítalíu.

unnamed (7).png

Vatnið teygir sig inn í þrjú héruð, Veneto, Lombardia og Trentino-Alto Adige og er margrómað fyrir náttúrufegurð, há fjöllin sem umlykja vatnið en einnig fyrir sögulegar minjar og vínframleiðslu.

Annars er Garda lítill og heillandi bær með rúmlega 4000 íbúa og stendur við fallega, afmarkaða vík eða flóa. Hann er þekktur fyrir fallegan vatnsbakka og hinn sögulega miðbæ. Byggingarnar í bænum bera vott um þróun byggðar á þessum stað og þar er þó nokkra gimsteina að finna. https://www.flandrr.is/post/garda-vid-garda


Dagskrá er útgefin með fyrirvara um smávægilegar breytingar. Ítarlegri dagskrá með tímasetningum verður gefin út þegar nær dregur.


HÉR er hægt að taka frá bóka tvíbýli

HÉR er hægt að taka frá bóka einbýli

Gardavatn er staður sem hægt er að koma á aftur og aftur og skoða með nýjum hætti í hvert skipti. 


Markhópurinn fyrir þessa ferð er fólk á besta aldri, sem vill létta hreyfingu og leyfa sér smá í fríinu. Upplagt fyrir þá sem hafa komið áður til Garda en vilja kynna sér efri byggðir og minna heimsótt svæði við vatnið. 


Göngudagarnir eru flestir hálfir dagar og einn lengri göngudagur. Ýmist tökum við strætó til að komast á upphafspunkt fyrir göngu dagsins eða við fáum skutlur til að koma okkur áleiðis.

Gist verður eina nótt á Hotel Villa Eva https://www.albergovillaeva.it/ rétt fyrir ofan Garda þar sem við fögnum komunni með góðum kvöldverði. Daginn eftir göngum við síðasta spölinn, beint í fangið á Gardavatni.


Það sem eftir er ferðarinnar verður gist á Hotel Bisesti https://www.hotelbisesti.com/en/ sem er frábærlega staðsett í bænum Garda. Stutt er niður á vatnsbakkann og prýðisgóður staður til að leggja af stað í landkönnun. Góð sundlaug og sólbaðsaðstaða er við hótelið þar sem hægt er að láta líða úr sér eftir göngur dagsins. Á hótelinu við hliðina er boðið upp nudd af ýmsum toga og snyrtimeðferðir.


Veitingastaður er á hótelinu, þar sem hægt er að snæða kvöldverð, nú eða prófa einhvern af fjölmörgum veitingastöðum í bænum. Herbergin eru öll með loftkælingu. Hótelið býður upp á léttan hádegisverð alla daga og veitingastaður er á hótelinu.

Hótelið hefur nokkrum hjólum á að skipa sem hægt er að fá lánuð og hjólaleiga er við hliðina á hótelinu. Allt er í seilingarfjarlægð.


Verð: frá 377.000 kr. mann í tvíbýli - Taka frá pláss 

Verð fyrir einbýli 499.800 kr. - Taka frá pláss


Dagskrá er útgefin með fyrirvara um smávægilegar breytingar. Ítarlegri dagskrá með tímasetningum verður gefin út þegar nær dregur.  Heimsferðir er ferðaskrifstofan sem er bakhjarl ferðarinnar og sér um innheimtu.




Fararstjóri er Ágústa Sigrún Ágústsdóttir. Hún hefur mannauðsstjórnun og markþjálfun að aðalstarfi en ræturnar hennar eru í söng og fararstjórn sem hún sinnir jafnhliða öðrum störfum.

Ágústa er menntaður leiðsögumaður frá Leiðsöguskóla Íslands og hefur unnið við fararstjórn á Ítalíu, Króatíu og Slóveníu yfir 20 ár og hún hefur einnig starfað sem leiðsögumaður á Íslandi fyrir ítölsku- og enskumælandi ferðamenn.


Ágústa talar ítölsku og heldur úti ferðabloggi undir nafninu Flandrr ferðamiðstöð þar sem hún varpar upp áhugaverðum vinklum um ýmislegt tengt ferðalögum: www.flandrr.is

1. dagur – FÖS 23. ágúst - Komudagur

Morgunflug til Verona með Neos air þar sem við lendum um kl. 12:40 að staðartíma. Þaðan er um 40 mín. akstur á hótelið þar sem gist er fyrstu nóttina. Þar fögnum komunni til Ítalíu með góðum kvöldverði og gerum okkur klár fyrir göngu morgundagsins.

2. dagur – LAU 24. ágúst – Gardavatn tekur á móti okkur.

4 km létt ganga, niður í móti.

Við undirbúum nestispakka um morguninn en göngum svo fallega leið síðasta spölinn að bænum Garda við Garda, þar sem við gistum það sem eftir er. Farangrinum okkar verður ekið á Hotel Bisesti þar sem við komum síðdegis í eigin persónu. Létt ganga og við njótum útsýnisins á leiðinni. Gardavatnið opnar svo faðminn þegar við göngum niður í bæinn okkar. Um kvöldið borðum við saman kvöldverð á hótelinu.

unnamed.jpg
3. dagur - SUN 25. ágúst – Rocca höfðinn og San Giorgio klaustrið

5 km – 2 klst – 223m hækkun – létt ganga

Við göngum af stað frá hótelinu sem leið liggur upp á höfðann fyrir ofan hótelið okkar, La Rocca, sem býður upp á eitt besta útsýni yfir suðurhluta vatnsins. Við þræðum okkur upp á höfðann eftir einum af fjölmörgum stígum sem liggja fallegum Maríu-styttum og útskotum með fallegu ústýni. Þetta svæði var líka í byggð á forsögulegum tíma og hér er að finna miðaldaborgarmúra ásamt skotgröfum tveggja heimsstyrjalda. Einnig verður komið við í klaustri sem verður á vegi okkar.

unnamed (1).jpg
4. dagur – MÁN 26. ágúst – Bardolino og nágrenni

3,5 km – 1 klst – mjög létt ganga
Um morguninn tökum við röska göngu meðfram vatninu til Bardolino sem er nágrannabær Garda. Við skoðum bæinn út frá ýmsum sjónarhornum. Skemmtilegar verslanir eru í bænum og einnig skoðum við merkar kirkjur og kennileiti í bænum. Frjáls aðferð við að koma sér aftur heim til Garda.

unnamed (4).png
5. dagur – ÞRI 27. ágúst – Skíðalyfta upp á Monte Baldo og útsýnisganga

8 km – 4 klst. – 500 eða 1000m hækkun – meðalerfið ganga
Heilsdagsferð. Spennandi dagur framundan þar sem við förum með stólalyftu frá Prada upp á fjallshrygginn fyrir ofan bæinn okkar upp í 1850m hæð. Þaðan göngum við merkta stíga frá einu sæluhúsi að öðru og svo snæðum við hádegisverð í fjallaskála áður en haldið er til baka. Göngum upp á fjallshryggnum upp í 2.150m hæð og tökum okkur stöðu hér og hvar til að njóta útsýnisins. Stígarnir eru gamlir stígar frá stríðstímum og merktir göngustígar. Stórkostlegt útsýni yfir Gardavatnið öðru megin, Adige dalinn hinum megin og nærliggjandi fjallatoppa.
Göngutími dagsins er u.þ.b. 4 klst. en svo tökum við okkur aukalega um 2ja tíma matarhlé á stórkostlegum stað í um 2.000 m hæð. Mismunandi gönguleiðir og erfiðleikastig sem verður metið þegar komið er á staðinn.

unnamed (2).jpg
6. dagur – MIÐ 28. ágúst – Sirmione og Isola del Garda

Heilsdagsferð. Um morguninn förum við siglandi til Sirmione og skoðum bæinn þveran og endilangan. Yst á tanganum er að finna áhugaverðar rómverskar menjar sem líklega er ein stærsta villa sem fundist hefur. Svo er hægt að njóta stemmingarinnar í þessum einstaka bæ, þar sem ísbúðirnar eru á hverju götuhorni.
Hér er smá fróðleikur um bæinn: https://www.flandrr.is/post/catullo-sirmione
Eftir frjálsan hádegisverð verðum við sótt af einkabát sem siglir með okkur út í hina ævintýralegu eyju á Gardavatni, Isola del Garda. Þar fáum við leiðsögn, göngum um og fræðast um sögu þessarar einstöku eyjar og fjölskyldunnar sem þar býr. Skemmtileg tenging við Ísland mun koma í ljós.

Við dveljum þar part úr degi og fáum okkur svo fordrykk áður en haldið er aftur siglandi heim til Garda.

unnamed (3).jpg
7. dagur – FIM 29. ágúst – Trincee di Spiazzi og Madonna della Corona

5 km - 3 klst – 250 m hækkun - létt ganga
Heilsdagsferð. Við splæsum saman tveimur göngum sem eru um 1,5 tími hvor. Ganga dagsins fer með okkur á ótrúlegar slóðir. Við göngum meðfram gömlum skotgröfum frá fyrra stríði og vopnabúrum sem eru grafin inn í fjallshlíðina. Við endum svo göngu dagsins á öðrum stað sem einnig hefur verið högginn inn í bergið og var lengi vel viðkomustaður pílagríma og er í rauninni enn. Þetta er kirkjan Madonna della Corona sem við skoðum í lok ferðarinnar. Á bakaleiðinni stoppum við til að fá ykkur málsverð áður en heim er komið.

unnamed (4).jpg
8. dagur – FÖS 30. ágúst – Frjáls dagur

Alveg frjáls dagur fram til kvöldsins og um að gera að nýta hann í að gera góð kaup á vikulegum markaði í bænum. Hægt að sinna hugðarefnum eða slappa af á hótelinu. Um kvöldið er hægt að fara á klassíska söngtónleika í Bardolino.

unnamed (5).png
9. dagur – LAU 31. ágúst – San Zeno in Montagna og gömul þorp

10 km - 4 klst – 325m hækkun – létt ganga Hálfsdagsferð. Göngustígur dagsins er mest á malbikuðum vegi eða göngustígum og liggur gegnum nokkur þorp þar sem tíminn virðist víða hafa staðið í stað. Kastaníutré eru einkennandi víða á gönguleið dagsins og önnur fjörgömul tré með stofna allt að 3m í þvermál.

unnamed (5).png
10. dagur – SUN 1. september – Dagur í Verona og heimflug

Við kveðjum Garda undir hádegi og verjum síðasta deginum í Verona sem er á UNESCO heimsminjaskrá í heild sinni. Við förum í stutta skoðunarferð og komum við á fallegum torgum, brúm og auðvitað í Arenunni þar sem fram fer óperulistahátíð. Við kynnumst sögu borgarinnar sem Shakespeare hafði svo mikið dálæti á og notaði sem sögusvið í þremur verka sinna. Upplagt að fá sér góðan málsverði áður en haldið er út á flugvöll í heimflugið.

Kvöldflug til Íslands með Neos air. Flugtak kl. 19:00.

unnamed (5).png
bottom of page