top of page
Göngu- og dekurferð til Marche - HAUST

HÉR er hægt að taka frá pláss og bóka tvíbýli - https://bit.ly/486iq9g

Marche hérað er eitt best geymda leyndarmál Ítalíu. Þetta rólega og strjálbýla hérað liggur á milli Adríahafsins og öllu þekktari nágranna þess, Toskana og Umbria. Sumir segja að Marche sé eins og Toskana var fyrir 50 árum síðan, hrátt en undurfallegt. Hér er enn tækifæri til að upplifa Ítalíu án mannfjöldans.

unnamed (7).png

Marche er staðsett á miðju stígvélinu, aftan á kálfanum austan megin, við Adríahafið. Stærsta borgin er Ancona sem stendur við sjóinn og er mikil skipahöfn. Flestir íbúar héraðsins búa við ströndina en inn til landsins eru dæmigerðir kastalabæir á fjallstoppum sem hanga utan í hlíðunum. Sveitirnar eru doppóttar með litlum þéttbýliskjörnum, þorpum og býlum.


HÉR er hægt að bætast í Facebook hóp þar sem fjallað verður um ferðina og hitað upp.


Gönguferðirnar eru flestar utan alfaraleiða og á fáförnum stöðum í bland við stórkostlega útsýnisstaði. Þetta eru staðir sem rata ekki endilega inn í ferðahandbækur. Ferðin er hönnuð af sérfræðingum sem þekkja svæðið mjög vel og vita hvar hægt er að finna hið einstaka og dæmigerða fyrir svæðið. 


Göngudagarnir eru fimm, ýmist hálfir eða heilir dagar. Fyrsti göngudagurinn er létt 7 km ganga og lengsta gangan er 15 km. Við munum skoða Marche hérað bæði að innan og utan því við förum einnig ofan í jörðina og skoðum stórkostlegt hellakerfi. Þeir sem kjósa ef til vill að taka sér göngufrí einhvern daginn, geta látið fara vel um sig á hótelinu þann daginn. 


Markhópurinn fyrir þessa ferð er fólk á besta aldri, sem vill létta hreyfingu og taka vel á því nokkra daga í fríinu. Þess á milli þarf fólk að kunna að njóta lystisemda Ítalíu, láta dekra við sig og gera vel við sig í mat og drykk. Í bland við þetta er lögð áhersla á að kynnast landi og þjóð, sérkennum svæðisins og búa til minningar sem ylja. Þátttakendur í hverri ferð eru aldrei fleiri en 24.


Hér er myndband sem Lonely Planet lét geri árið 2020 þegar Marche var valið annað besta svæðið í heiminum til að heimsækja. https://www.youtube.com/watch?v=IM0LpOwuQoc 


Dvalið verður á Hotel Bel Sit sem er 3ja stjörnu hótel sem stendur á dásamlegum stað með útsýni yfir ströndina í Senigallia og nærliggjandi sveitir með einkennandi aflíðandi hæðum og gömlum þorpum. Hótelið býður upp á mjög góða aðstöðu fyrir gesti sína. Húsakosturinn er upphaflega frá 19. öld og stendur  á rústum forns klausturs sem hefur verið smekklega innréttað og blandast vel inn í húsakynnin í dag. Herbergin eru látlaus en staðsetningin og útsýnið sem við njótum úr klausturgarðinum fyrrverandi er stórkostlegt.

Hotel Bel Sit býður upp á mjög góða aðstöðu til að njóta umhverfisins og láta dekra við sig. Góð sundlaug er við hótelið, tennisvellir, líkamsræktaraðstaða og heilsulind þar sem hægt er að láta líða úr sér eftir vasklegar göngur dagsins. Einnig er hægt að bóka nudd og annað dekur.


Veitingastaðurinn sem er staðsettur þar sem áður var kirkja klaustursins, býður upp á bragðgóða staðbundna kjöt- og fiskrétti á kvöldin og úrval af grænmetisréttum. Hádegisverðarhlaðborð er í skála við sundlaugina.


Herbergin eru með loftkælingu en búast má við að það sé slökkt á henni á þessum árstíma.  Góð vifta er í loftinu á öllum herbergjum.

  • Herbergin eru einföld, enginn íburður, eins og sést á myndum, enda gamalt klaustur.

  • Öll herbergin eru með baðherbergi, ýmist baðkar/sturta eða bara sturta.

  • Hótelið er í um 2km inn í landi og stendur á miklum útsýnisstað. Það er eiginlega útsýni í 360°.

  • Það er mjög stór verönd fyrir utan hótelið, með borðum, þar sem dásamlegt er að sitja og njóta útsýnisins í átt að sjónum.

Einbýlin eru af tegundinni Comfort Easy sem eru ca. 14m2 + lítið baðherbergið með sturtu. Snúa í átt að hafinu.


Tvíbýlin eru ýmist Comfort eða Comfort Easy. Comfort  herbergin eru stærri herbergi, ca. 16-17m2 og með stærra baðherbergi, baðkar/sturta og eru með fjallasýn.


Superior tvíbýli  er 18-20m2 með baðkari/sturtu og sjávarsýn.   314.000 kr. á manninn.


Hótelið hefur aðstöðu niður við ströndina við Senigallia sem kölluð er flauels-ströndin. Upplagt fyrir þá sem vilja njóta strandlífsins þá daga sem tími gefst til. Á tennisvellinum við hótelið gefst tækifæri til að æfa bakhöndina og einnig er stutt í golfvöllinn í Conero ef þarf að pússa sveifluna. 


Hægt er að leigja hjól á vegum hótelsins þá daga sem eru frjálsir og tilbúnar hjólaleiðir sem hægt er að fylgja, jafnvel að fá hjóla-leiðsögn á vegum hótelsins .


Hér er kynningarmyndband frá hótelinu: https://www.youtube.com/watch?v=8B2y6VfCHCo


Verð fyrir tvíbýli: 289.000 kr.  á Comfort  og Comfort Easy herbergjum.

Verð fyrir tvíbýli: 314.000 kr. á Superior herbergjum.

Verð fyrir einbýli 329.000 kr. á Comfort Easy herbergjum


Dagskrá er útgefin með fyrirvara um smávægilegar breytingar. Ítarlegri dagskrá með tímasetningum verður gefin út þegar nær dregur.  Heimsferðir er ferðaskrifstofan sem er bakhjarl ferðarinnar og sér um innheimtu.


HÉR er hægt að taka frá herbergi og bóka tvíbýli

HÉR er hægt að taka frá herbergi og bóka einbýli


Fararstjóri er Ágústa Sigrún Ágústsdóttir. Hún hefur mannauðsstjórnun og markþjálfun að aðalstarfi en ræturnar hennar eru í söng og fararstjórn sem hún sinnir jafnhliða öðrum störfum. 

Ágústa er menntaður leiðsögumaður frá Leiðsöguskóla Íslands og hefur unnið við fararstjórn á Ítalíu, Króatíu og Slóveníu yfir 20 ár og hún hefur einnig starfað sem leiðsögumaður á Íslandi fyrir ítölsku- og enskumælandi ferðamönnum um Ísland. Hún á sína uppeldisstöð í Marche-héraði og hefur heimsótt svæðið reglulega síðustu 20 ár.


Gönguleiðsögumaður er Niki Morganti sem er fæddur og uppalinn í Senigallia í Marche og þekkir því svæðið eins og lófann á sér. Hann er menntaður leiðsögumaður bæði fyrir náttúru- og fjallaferðir og er einnig með próf í náttúruvísindum.  Menntun hans er frábær grunnur fyrir leiðsögnina og hann nýtur þess að bæta við upplifunina með að tengja ferðirnar við sögu, menningu, hefðir og matarmenningu svæðisins sem hann fer um. Hann hefur komið nokkrum sinnum til Íslands með hópa og skipuleggur reglulega ferðir innan Ítalíu og til Lapplands, Nepal og Kanaríeyja.


Útbúnaðarlisti

Góðir en léttir gönguskór, utanvegaskór ættu að duga fyrir flesta. Ökklastuðningur alltaf góður samt. Göngustafir fyrir þá sem vilja. Hattur eða eitthvað til að hylja höfuðið er alveg nauðsyn, ásamt góðum sólgleraugum og sólarvörn. Þægilegur göngupoki og vatnsbrúsi til að fylla á. Annar búnaður er undir hverjum og einum komið og hvað hentar best persónulega.


Innifalið í ferðinni: Flug með Play air til BOLOGNA. Hótel í 7 nætur með morgunverði, sundlaug og líkamsræktaraðstöðu. Þrír kvöldverðir, þar af einn á hótelinu. Tveir hádegisverðir. Allur akstur skv. leiðarlýsingu. Hellaheimsókn. Vínsmökkun. Ólífuolíusmökkun. Staðar- og gönguleiðsögn nokkra daga og íslensk fararstjórn og leiðsögn allan tímann. 


Ekki innifalið: Aðgangur í heilsulind og meðferðir á hótelinu, leiga á tennisvelli, hjólum og hjólabúnaði. Ferðir á frjálsum dögum. Nestispakkar. 

1. dagur – ÞRI 24. september - Komudagur

Flogið til BOLOGNA með PLAY. Lent kl. 21:25. Um 2,5 klst í keyrslu en við stoppum á leiðinni til að hressa okkur við og til að tappa af og á. Ættum að vera komin í ból rétt eftir miðnætti.

2. dagur – MIÐ 25. september - Gönguferð í nágrenni hótelsins - 7 km – hækkun 150m – mjög létt ganga

Við tökum morguninn rólega en förum svo í létta göngu um næsta nágrenni hótelsins í sveit sem heitir Scapezzano. Með okkur í för er Niki sem verður leiðsögumaðurinn okkar í gönguferðunum. Við borðum síðbúinn hádegisverð hjá Nino sem rekur sögulegan stað þar sem ennþá er kornmylla sem forfeður hans settu á laggirnar á 19.öld. Kornið er malað skv. aldagamalli hefð og framleitt er brauðmeti af bestu sort sem við fáum að bragða á. Kvöldverður á hótelinu.

unnamed.jpg
3. dagur - FIM 26. september - Senigallia og Loretello - 7 km – hækkun 250m – frekar létt ganga

Senigallia er bær við ströndina sem skartar fallegri sandströnd með hinu mjúka nafni flauelsströndin. Auk þess hefur hú fengið umhverfisvottun fyrir hreinleika. Við skoðum bæinn, kynnumst sögunni og helstu kennileitum. Eftir hádegisverð höldum til þorpsins Loretello sem er einskonar kastalavirki með skemmtilegum gönguleiðum allt um kring. Þar reimum á okkur gönguskóna og förum í létta göngu. Eftir gönguna fáum fordrykk á veitingastað þar í bæ og nóg af forvitnilegu meðlæti til að gæða okkur á áður en við höldum aftur heim á hótel.

unnamed (1).jpg
4. dagur - FÖS 27. september – Monte Conero og bærinn Sirolo - 12 km – hækkun 650m – meðalerfið ganga

Eftir morgunferð förum við með rútu í náttúruþjóðgarðinn, Monte Conero, þar sem við verjum hluta dagsins á göngu.
Monte Conero er eina fjallið eða höfðinn við Adríahafið allt frá Trieste í norðri þar til á syðst á Ítalíu.
Við tökum með okkur nestispakka sem við snæðum á vel völdum stað á leiðinni. Við endum svo seinni partinn í bænum Sirolo, þar sem hægt er að fara á ströndina og dýfa tánum í Adríahafið og taka sundsprett. Við borðum kvöldverð þar áður en haldið er heim á hótel.

unnamed (4).png
5. dagur – LAU 28. september - Marche að innan og utan - 10 km – hækkun 300m – frekar létt ganga

Við leggjum af stað í bítíð með rútu inn til fjalla þar sem við verjum deginum. Ganga dagsins er á söguslóðum en einnig skyggnumst við inn í hina stórkostlegu Frasassi hella og skoðum þannig Marche einnig innan frá.
Við borðum hádegisverð á heimilislegum stað hjá henni Mariu í litlum vel földum bæ inn til fjalla.
Við skoðum einnig sérkennilegt musteri sem er vel falið í hellakerfinu á þessum slóðum.

unnamed (2).jpg
6. dagur – SUN 29. september - Elcito og Canfaito - 13 km – hækkun 450m – meðalerfið ganga

Við tökum daginn snemma og keyrum aftur inn til fjalla. Að þessu sinni göngum við upp á hásléttunni og komum í þorpið Elcito sem var áður eyðiþorp en er aftur að öðlast líf. Elcito stendur í 821m hæð í hlíðum fjallsins San Vicino og er það sem eftir stendur af fornum kastala sem reistur var til varnar Benediktínusar-klaustrinu og hefur verið kallað Tíbet Marche-héraðs. Þaðan göngum við fjölbreytta leið um skóglendi og breiðurnar með frábæru útsýni yfir Sibellini fjöllin.

Við tökum með okkur nestispakka sem við gæðum okkar á í hádeginu en á heimleiðinni stoppum við hjá framleiðanda ólívuolíu og smökkum á afurðunum.

unnamed (3).jpg
7. dagur – MÁN 30. september - Frjáls dagur – Vínsmökkun og hátíðarkvöldverður

Alveg frjáls dagur fram til kvöldsins. Hægt að sinna hugðarefnum eða slappa af. Kannski má athuga hvort kaupmátturinn sé í lagi og skjótast í búðir, fara á ströndina eða verja deginum á hótelinu við dekur og afslöppun. Hótelið býður upp á frítt skutl á ströndina fyrir þá sem það vilja.

Um kvöldið röltum við á veitingastað í nágrenninu þar sem við fáum vínsmökkun en setjumst svo að borðum og njótum síðustu kvöldmáltíðarinnar. Við getum rölt báðar leiðir til að koma brennslunni af stað fyrir góðan kvöldverð. Það eru um 5 km í heildina. Við fögnum vikunni og rifjum upp helstu atvik og afrek vikunnar.

unnamed (4).jpg
8. dagur – ÞRI 1. október - Heimferðardagur

Við leggjum af stað um kl. 15:00 en hægt er að taka því rólega á hótelinu og nýta aðstöðuna þar eftir útskráningu á hótelinu kl. 10:00. Flug frá Bologna kl. 22:25 og lent í Keflavík um 01:00.

unnamed (5).png

unnamed (5).png

unnamed (5).png
bottom of page