.png)
Takk fyrir mig
Ekki grunaði mig að starf fararstjóra myndi ná svona sterkum tökum á mér. Ég byrjaði á Rimini sumarið 2002 sem fararstjóri fyrir Heimsferðir. Þá var ég búin að vinna við leiðsögn ítalskra ferðamanna á Íslandi og greip fegins hendi tækifærið að prófa að vinna á Ítalíu. Sumarið eftir kom ég aftur til Rimini en svo fæddist lítill Mikael. Sumarið 2005 var ég aftur kominn í gírinn og við fjölskyldan vörðum sumrinu á Istría-skaganum í Króatíu. Eftir það hef ég reglulega tekið að mér ferðir á Ítalíu, Slóveníu og Króatíu. Það er svo gaman að viðhalda kunnáttunni og bæta við sig fróðleik í hverri ferð.
Enn skemmtilegra er svo að senda heim ánægða farþega.
Stundum verður til vísustúfur eða fallegt þakkarbréf.
Fyrir nokkrum árum fór ég í mína fyrstu ferð til Ítalíu. Áfangastaðurinn var bærinn Sorrento og svæðið í kring, Amalfí ströndin, Pompei, Caprí… Það var kalsaveður flesta daga, aldeilis ekki það sem ég og samferðafólk mitt hafði búist við. Nema hvað, við vorum svo heppin að hafa Ágústu Sigrúnu sem fararstjóra. Við hennar glaðværð breyttust regnhlífarnar í sólhlífar meðan hún miðlaði til okkar upplýsingum um sérhvern stað. Ég upplifði margt áhugavert og fallegt. Eftirminnilegast er samt þegar Ágústa Sigrún söng fyrir okkur sálminn Heyr himnasmiður í hringleikahúsi Pompei. Ég bara tárast enn við tilhugsunina. Frábær ferð og hágæða fararstjórn.
Steinunn Helga Lárusdóttir
Nokkrar frá ferlinum
