Næstu ferðir

Þessi gönguferð leiðir okkur um tvö ólík svæði við norðanvert Adríahaf. Á eyjunni Cres bíður okkar villt og hrjóstrugt landslag, gamlar fjárgötur, skógar, fjallshryggir og afskekktar víkur. Þaðan höldum við til Istríu þar sem landslagið verður grænna og vínekrur, miðaldaþorp og matarmenning taka við.

Suður-Afríka er gjarnan kölluð „heimurinn í einu landi“, og það ekki af ástæðulausu. Þetta hlýlega og fjölmenningarlega samfélag, einstakt dýralíf, heimsminjastaðir og ólík vistkerfi eru óviðjafnanleg á heimsvísu. Eitt orð fangar þetta allt: fjölbreytileiki.

Marche hérað er eitt best varðveitta leyndarmál Ítalíu. Þetta rólega og strjálbýla hérað liggur á milli Adríahafsins og öllu þekktari nágranna þess, Toskana og Umbria. Sumir segja að Marche sé eins og Toskana var fyrir 50 árum síðan, óspillt og undurfallegt. Hér er enn tækifæri til að upplifa Ítalíu án mannfjöldans.

Kirgistan er staður óspilltrar villtrar náttúru þar sem fólkið heldur enn í fornar hefðir sínar, siði og menningu. Þessi fjölbreytta ferð er fyrir fróðleiksfúsa og ævintýragjarna ferðalanga sem vilja uppgötva nýjar slóðir.