20 - 27. júní 2026

2026 Marche - Ítalía utan alfaraleiða

Marche er staðsett á miðju stígvélinu, aftan á kálfanum austan megin, við Adríahafið.

Markhópurinn fyrir þessa ferð er fólk á besta aldri, sem vill hreyfingu og taka vel á því nokkra daga í fríinu. Þess á milli þarf fólk að kunna að njóta lystisemda Ítalíu, láta dekra við sig og gera vel við sig í mat og drykk. Í bland við þetta er lögð áhersla á að kynnast landi og þjóð, sérkennum svæðisins og búa til minningar sem ylja.

Marche er staðsett á miðju stígvélinu, aftan á kálfanum austan megin, við Adríahafið. Stærsta borgin er Ancona sem stendur við sjóinn og er mikil skipahöfn. Flestir íbúar héraðsins búa við ströndina en inn til landsins eru dæmigerðir kastalabæir á fjallstoppum sem hanga utan í hlíðunum. Sveitirnar eru doppóttar með litlum þéttbýliskjörnum, þorpum og býlum.

Flogið er til Verona síðdegis í beinu leiguflugi Neos air og lent í Verona rétt fyrir kl. 23:00 um kvöldið. Þaðan er farið hótel sem gist er eina nótt áður en komið er „heim“ til Marche.

Gönguferðirnar í Marche eru flestar utan alfaraleiða og á fáförnum stöðum í bland við stórkostlega útsýnisstaði. Þetta eru staðir sem rata ekki endilega inn í ferðahandbækur. Ferðin er hönnuð af sérfræðingum sem þekkja svæðið mjög vel og vita hvar hægt er að finna hið einstaka og dæmigerða fyrir svæðið.

Göngudagarnir eru ýmist hálfir eða heilir dagar, frá 8 km upp í 15 km. Við munum skoða Marche hérað bæði að innan og utan því við förum einnig ofan í jörðina og skoðum stórkostlegt hellakerfi. Þeir sem kjósa að taka sér göngufrí einhvern daginn, geta látið fara vel um sig á hótelinu þann daginn.

Dvalið verður í skemmtilegum bæ, Numana sem er innan Monte Conero náttúruverndarsvæðisins. Hótelið heitir Murè Hotel Numana - https://www.murehotelnumana.it/en/ og er nýlegt 4ra stjörnu hótel sem opnaði sumarið 2022.

Herbergin eru 19-20 m2, mjög skemmtilega innréttuð og nostrað við innanstokksmuni. Mikið lagt upp ár góðu andrúmslofti og tengingu við sjóinn og sæfarendur sem og stemminguna í bænum. Öll herbergin eru með svölum. Möguleiki að bóka einbýli, tvíbýli og þríbýli. Góð loftkæling er á hótelinu og frábær sundlaug með aðstöðu til að njóta sólarinnar.

Stutt er að labba niður á höfn þaðan sem hægt er að fara í allskonar siglingar en þar er jafnframt að finna góðar strendur með frábærri aðstöðu. Hægt er að finna einstakar strendur á svæðinu sem eingöngu eru aðgengilegar frá sjó.

Fallegur miðbæjarkjarni er í bænum Numana þaðan sem dásamlegt útsýni er út á hafið. Einnig er stutt í skemmtilegar gönguleiðir fyrir ofan bæinn á náttúruverndarsvæðinu Monte Conero. Stutt á golfvöll og flest allt innan seilingar.

Heimsferðir er með ferðina í sölu og sér um bókanir, innheimtu, skilmála og tryggingar skv. ferðakskrifstofuleyfi nr. 2022-028 gefnu út af Ferðamálastofu.

Umsagnir frá gestum

„Numana er dásamlegur lítill og fallegur strandbær. Murè Hotel Numana er yndislegt hótel: skemmtilega og fallega innréttað - allt er hreint og fínt - maturinn er góður - hótelgarðurinn frábær - starfsfólkið persónulegt.

Ég mæli hiklaust með dvöl í Numana á þessu "besta" hóteli ♥️ sem er vel staðsett.“

Bryndís Böðvarsdóttir

„Numana kom mér skemmtilega á óvart. Margt hægt að gera sér til skemmtunar. Til dæmis hjólaferð með leiðsögn, bátsferðir, gönguferðir, sýningar á torginu og svo slökunin á fallegri strönd eða við snyrtilegan sundlaugarbakka Murè hótelsins. Umhverfið var einstaklega hreint, notalegt andrúmsloft og frábær þjónustulund heimamanna. Maturinn var stórkostlegur enda ferskur beint úr sjónum.“

Trausti og Sigríður

„Áttum yndislega 10 daga í Numana í Marche. Hótel Muré er með þeim bestu; falleg hönnun og mjög smart hótel, æðisleg herbergi og frábært starfsfólk sem vill allt fyrir mann gera! Morgunmaturinn var líka æði :) Svæðið allt er líka frábært, svo til engir túristar, mikið hægt að gera og allt svo fallegt. Við fórum í rafhjólaferð, fjallgöngu, áttum dag á ströndinni, vínkynningu og meira að segja golf á geggjuðum velli :) Ég verð líka að mæla sérstaklega með veitingastaðnum Casa Rapisarda sem hefur fengið Michelin meðmæli og var alveg ógleymanlegur.“

Grettir og Bergdís

„Numana er lítill og notalegur bær og þar er gott að vera því þar getur maður þverfótað fyrir ferðamönnum. Gaman að geta hjólað og gengið á milli fleiri bæja í næsta nágrenni, flatmagað við sundlaugina nú eða notið strandarinnar.“

Alma og Jónas

„Hótelið er frábærlega staðsett, kósí og þrifalegt. Starfsfólkið einstaklega þjónustulundað. Náttúrufegurð og iðandi mannlíf. Kyrrð og góð sumarfrísstemming."

Ragnheiður Elfa & Pétur Már

Verð fyrir tvíbýli: 344.000 kr. per mann - Hægt að bóka HÉR

Verð fyrir einbýli: 399.000 kr. - Hægt að bóka HÉR

Möguleiki er að fá þriggja manna herbergi líka, en þá þarf að senda fyrirspurn á agustasigrun@flandrr.is

Innifalið í ferðinni: Flug með NEOS Air/Heimsferðum til VERONA. Ein innrituð 20 kg. taska innifalin. Gisting á Hotel Baia del Re í eina nótt og á Hotel Mure Numana í Marche 6 nætur með morgunverði.

Hellaheimsókn og safn tengt hellunum. Vínsmökkun og matarpörun. Hádegishressing. Pic-nic hádegisverður. Bragðlaukakynning.

Allur akstur skv. leiðarlýsingu. Staðar- og gönguleiðsögn og íslensk fararstjórn skv. dagskrá.

Ekki innifalið: Ferðir á frjálsum dögum. Nestispakkar. Þjórfé.

Dagskrá er útgefin með fyrirvara um smávægilegar breytingar og tilfærslur á tímasetningum. Ítarlegri dagskrá með tímasetningum verður gefin út þegar nær dregur.

Fararstjóri er Ágústa Sigrún Ágústsdóttir. Hún hefur mannauðsstjórnun og markþjálfun að aðalstarfi en ræturnar hennar eru í söng og fararstjórn sem hún sinnir jafnhliða öðrum störfum.

Ágústa er menntaður leiðsögumaður frá Leiðsöguskóla Íslands og hefur unnið við fararstjórn á Ítalíu, Króatíu og Slóveníu yfir 20 ár og hún hefur einnig starfað sem leiðsögumaður á Íslandi fyrir ítölsku- og enskumælandi ferðamönnum um Ísland. Hún á sína uppeldisstöð í Marche-héraði og hefur heimsótt svæðið reglulega frá aldamótum.

Útbúnaðarlisti

Góðir en léttir gönguskór, utanvegaskór ættu að duga fyrir flesta. Ökklastuðningur alltaf góður samt. Göngustafir fyrir þá sem vilja. Hattur eða eitthvað til að hylja höfuðið er alveg nauðsyn, ásamt góðum sólgleraugum. Sólarvörn og varasalvi. Lítið handklæði til að þurrka svita. Kannski sessa. Lítill göngupoki og vatnsbrúsi til að fylla á. Mæli með síðbuxum, eða sem hægt er að fjarlægja skálmar af, til að lágmarka rispur á leggjum út af gróðri. Regn og/eða vindjakki. Kannski regnslá. Annar búnaður er undir hverjum og einum komið og hvað hentar best persónulega.

1. dagur – FÖS 12. júní - Komudagur

Flogið til VERONA með leiguflugi Heimsferða sem er ítalska flugfélagið Neos air. Lent rétt fyrir kl. 23:00 um kvöldið. Við keyrum á hótel þar sem gist verður í eina nótt áður en ævintýrið hefst.

2. dagur – SUN 21. júní - Gönguferð í nágrenni hótelsins í Marche – 7-8 km – hækkun 180m – létt ganga

Eftir morgunverð höldum við ferðalaginu áfram og verðum komin á Hotel Bel Sit um hádegið og getum þá fljótlega innritað okkur á hótelið.

Við reimum strax á okkur gönguskóna og förum í göngu um næsta nágrenni hótelsins í sveit sem heitir Scapezzano. Róleg ganga um hæðótt landslag og að mestu gengið eftir götum og malarvegum. Við borðum hádegisverð hjá Ele sem rekur sögulegan stað sem forfeður hennar settu á laggirnar á 19.öld. Þetta er kornmylla sem reyndar er komin í nútímabúning og framleitt er hveiti og mjöl fyrir brauð og kökur af bestu sort. Við fáum að bragða á þeirra framleiðslu ásamt staðbundnu víni. Möguleiki að kaupa eðalpasta og annað sem hugurinn girnist áður en við örkum aftur af stað heim á leið.

Við borðum saman þriggja rétta kvöldverð á hótelinu sem er innifalinn í verði. Drykkir ekki innifaldir.

3. dagur – MÁN 22. júní - Elcito og Canfaito – 13-15 km – hækkun 450m – meðalerfið ganga

Við tökum daginn snemma og keyrum inn til fjalla. Að þessu sinni göngum við upp á hásléttunni og komum í þorpið Elcito sem var áður eyðiþorp en er aftur að öðlast líf. Elcito stendur í 821m hæð í hlíðum fjallsins San Vicino og er það sem eftir stendur af fornum kastala sem reistur var til varnar Benedikts-klaustrinu og hefur verið kallað Tíbet Marche-héraðs. Þaðan göngum við fjölbreytta leið um skóglendi og breiður með frábæru útsýni yfir Sibellini fjöllin. Gangan er töluvert á fótinn fyrsta hluta leiðarinnar en við munum taka nauðsynleg hlé svo að allir njóti sín á meðan á göngunni stendur. Síðasti hluti leiðarinnar er töluvert niður í móti en uppskeran er stórkostleg þar sem við lendum í bænum Elcito, ofan frá.

Boðið er upp á léttan hádegisverð í pic-nic stíl þegar komið er upp á topp. Þegar göngunni lýkur er upplagt að hvíla lúin bein á eina barnum/veitingastaðnum í bænum.

Innifalið í verði er hádegishressing, fordrykkur að göngu lokinni og pizza í bænum Elcito áður en haldið er heim.

Til fróðleiks: https://www.flandrr.is/post/litla-tibet-i-marche

4. dagur – ÞRI 23. júní - Frjáls dagur

Hægt að sinna hugðarefnum, fara á ströndina eða verja deginum á hótelinu við dekur og afslöppun. Hægt að verða sér út um nudd eða eitthvað dekur. Fararstjóri mælir með strætóferð til höfuðborgarinnar Ancona fyrir þá sem vilja.

5. dagur – MIÐ 24. júní – Monte Conero, bærinn Sirolo og Englaboginn - 11 km – hækkun 400m og lækkun 620m – meðalerfið ganga

Við förum með rútu inn á náttúruverndarsvæðið, Monte Conero, þar sem við verjum megninu af deginum á göngu. Monte Conero er eina fjallið eða höfðinn við Adríahafið allt frá Trieste í norðri þar til á syðst á Ítalíu.
Við tökum vel á því um morguninn sem er að mestu á fótinn en hádegishlé gerum við á stað þar sem veitingastað er að finna inni í skóginum. Eftir hádegið göngum við fjölbreytta skógarstíga að bænum Sirolo, þar sem gangan endar og hægt er að njóta dásamlegs útsýnis yfir Adríahafið.

Eftir frjálsan tíma hittumst við í rútunni og keyrum á fallegan stað sem heitir „Englaboginn“ þar sem við förum kvöldverður ásamt völdu víni. Komum heim södd og sæl um kl. 21:00.

Létt hádegishressing innifalin í verði sem og kvöldverður og vín sem parað er við þann mat sem borinn er fram.

Til fróðleiks: https://www.flandrr.is/post/tveirgimsteinarimarche

6. dagur – FIM 25. júní – Ýmislegt í boði og kynning fyrir bragðlaukana

Hér verður hægt að velja af hlaðborði dægradvalar. Möguleiki að taka dásamlegan afslöppunardag eða leigja sér rafmagnshjól með leiðsögumann. Einnig möguleika að fara á siglingu fyrir utan Monte Conero náttúruverndarsvæðisins.

Síðdegis förum við svo í smakkveislu fyrir bragðlaukana í gourmet-búð í nágrenninu.

7. dagur – FÖS 26. júní - Marche að innan og utan - Genga og Frasassi hellarnir - 10 km – hækkun 300m – frekar létt ganga

Við leggjum af stað í bítíð með rútu inn til fjalla þar sem við verjum deginum. Við förum í góða göngu fyrir hádegið en eigum svo hádegishlé þar sem lagt er af stað í hellaskoðun. Við ætlum nefnilega að skoða Marche að innan og skyggnumst inn í hina stórkostlegu Frasassi hella. Við heimsækjum líka safn sem tengist hellunum.

Á bakaleiðinni keyrum á fallegan stað sem heitir „Englaboginn“ þar sem við förum kvöldverður ásamt víni vín sem parað er við þann mat sem borinn er fram. Komum heim södd og sæl um kl. 21:00.

8. dagur – LAU 27. júní - Heimferðardagur

Útskrift af hóteli og við leggjum af stað til Verona eftir hádegið þegar við höfum hvatt Numana og nágrenni. Á leiðinni verður stoppað í frægum kastalabæ og við fáum að heyra áhugaverða sögu um staðinn. Flugtak kl. 23:55 og lent í Keflavík um kl. 02:00 eftir miðnætti.