Trúlofunarhringur Maria Callas

Ágústa Sigrún Ágústsdóttir
Dec 15
2 min read

er í raun lítið olíumálverk í svipaðri stærð og iPad sem sýnir nýfæddan Jesús sem liggur í jötunni, Maríu og Jósef og hirðingjana þrjá. Myndin er eftir Giambettino Cignaroli frá Verona.

Ferðalýsing á Maria Callas ferðinni til Garda og Verona í júní 2026

Á bakhlið verksins persónuleg tileinkun („til Ines með hjarta... Battista.. 30/09/1979“), sem stemmir ekki alveg við ártalið sem hann á að hafa gefið henni verkið í trúlofunargjöf en... Maria Callas giftist Giovanni Battista Meneghini þann 21. apríl 1949 í Verona á Ítalíu.

Meneghini var í raun ekki listunnandi sjálfur, heldur var hann meira áhugasamur um tengsl listar og menningar. Skömmu eftir að hann kynntist henni gaf henni þessa mynd. Hún debúteraði í Arenunni 2. ágúst 1947, í óperunni La Gioconda eftir Amilcare Ponchielli. Hljómsveitarstjóri var Tullio Serafin. Þessi gjöf virðist hafa verið hans leið til að tjá ást sína og virðingu fyrir hennar ótrúlega hæfileikum og hlutverki í tónlistarheiminum.

Ljóst er að málverkið var í húsi Callas í Sirmione og er líklega núna í einkaeigu í Sirmione.

En hver var þessi Cignaroli sem hafði svona sterka tengingu við tónlistina?

Giambettino Cignaroli (1706–1770) var einn af virtustu og áhrifamestu listamönnum 18. aldar á Ítalíu og starfaði aðallega í Verona, þar sem hann fæddist og lifði mest alla ævi sína. Cignaroli var þekktur fyrir að mála trúarleg og söguleg verk í rokókó- og síð-barokkstíl, og verk hans njóta mikillar virðingar í dag, sérstaklega í norðurhluta Ítalíu.

Via Roma 8, Verona, var heimili Giambettino Cignaroli. — **Via Roma 8, Verona**, var heimili **Giambettino Cignaroli**.

Textinn á marmaraskiltinu segir:

Giambettino Cignaroli, sem lifði frá 2. júlí 1706 til 1. desember 1770, bjó í þessu húsi (Via Roma 8) og var heimsóttur hér í júlí 1769 af keisaranum Jósef II, sem heilsaði honum sem „fremsta málara Ítalíu“.

Habsborgarakeisarinn var sagður hafa verið svo hrifinn af list Cignaroli að þegar hann heimsótti Verona, krafðist hann þess að heimsækja hann persónulega heima hjá sér – sem sýnir vel hversu mikils metinn Cignaroli var á þeim tíma.

Cignaroli hitti einnig Wolfgang Amadeus Mozart þegar hann kom kornungur í tónleikaferð til Verona, þannig að það var tenging milli Cignaroli og tónlistar. Til eru heimildir sem segja frá þessari ferð Mozart til Ítalíu með föður sínum árið 1770, þá var Mozart 13 ára. Gert var málverk af Mozart á meðan hann dvaldi þar og er það eignað Cignaroli.

Giambettino Cignaroli stofnaði einnig listasafn og akademíu í Verona (nú kölluð Accademia Cignaroli), sem hafði mikil áhrif á næstu kynslóðir listamanna.

Hvenær gifti Maria Callas sig?

Hér er myndin innan úr kirkjunni þar sem Maria Callas og Meneghini giftu sig 21. apríl 1949 í kirkjunni San Fermo minore ai Filippini. Athöfnin fór hins vegar ekki frma í kirkjunni sjálfri, heldur á bakskrifstofu prestsins. Ástæðan var að Maria var af grísku réttrúnaðarkirkjunni en hann kaþólskur og hvorugt þeirra vildi skipta um trú til að mega gifast í kirkju. Eini votturinn við brúðkaupið var presturinn sem gaf þau saman og mamma Meneghini.

Staðsetning: Via Filippini 16, 37121 Verona, Ítalía